Vrangførestillinga om det å vere god nok

10. klasse ved Korgen sentralskole har nyleg gjennomført tentamen i nynorsk. Ein av oppgåvene var å skrive en sakprega tekst til ein skrivekonkurranse for ungdom, der føremålet var å motivere ungdom til å vere nøgde med seg sjølv. Maja Standal (15) sin tekst om å vere god nok, kan vere fin for alle lesarane å ta med seg inn i advent og jul.

Kjensla, kjensla av å vere god nok

Forventingane ein har til seg sjølv om å vere god nok

Forventingane ein har til å prestere bra nok

Sjå god nok ut

Vere god nok

Hår, hud, kropp til og med klede

Dette er ting vi ser etter når vi skal vere «god nok»

 

Du må vere flink nok, tøff nok, normal nok

Du kan ikkje skilje deg ut, for da vert du støytt ut frå samfunnet

Det er det ein tenkjer, men det er ikkje nødvendigvis slik

 

Men kva tyder det å vere god nok?

Kven laga oppskrifta?

Og kor finn eg den?

Svaret er at det fins ingen oppskrift

Fordi det er vi som har laga denne vrangførestillinga om det å vere bra nok

Viss du er som alle andre, ser ut som alle andre, gjer som alle andre

Tykkje du da at du er god nok?

Svaret vil mest sannsynleg vere nei

Uansett kva du gjer vil du alltids sjå på nokon andre og tenkje, slik vil eg vere

Slik må eg sjå ut

 

 

Dette må ta slutt

Du samanliknar deg med andre, mens andre samanliknar seg med deg

Slik kan det ikkje vere

Denne frykta for å ikkje vere god nok

Har ikkje vi vorte lært at vi må stå i mot frykta vår for å kome over dei?

Denne frykta er så innarbeidd i tankane våre

Kjensla vår

 

Vi plagar oss sjølv med desse forventingane som vi sjølv konstruerer

Men ingen av oss kan lage ein liste på «korleis verte god nok»

Det er fordi alle har eit variert syn på det

 

 

Sjølv om vi får føredrag ein til to gonger i året som handlar om det å føle seg bra nok

Dagens nyheit som handlar om det

Aviser som skriv om det

Bloggare som tener pengar på å skriv om det

Så hjelper det ikkje

 

Vi kan få så mykje hjelp frå andre rundt oss

Som kjem til å hjelpe deg 10% kanskje

Resten må du hjelpe deg sjølv med

Det er du som stiller krava til deg sjølv

Så det er du som må slette dei krava

Slette dei frå tankane dine, frå kjenslene dine, frå synet ditt

 

Denne jobben er ikkje enkel

Slik som alt anna i verda

Du må jobbe for å oppnå måla dine

 

Eg kan seie at eg har denne vrangførestillinga

Eg slit enno med meg sjølv

Fordi eg samanliknar meg med andre

Og eg innser det ikkje før no at alt dette er i hjernen min

Det er ingen andre som styrer over dette

 

 

Nettavisa har skriven eit innlegg om psykologi kor dei skreiv om det å vere bra nok

«Nok en gang vil jeg peke på psykoterapi som en god metode for å gjøre noe med slike problemstillinger». Stod det.

Når dei skriv slikt peikar dei på at problem må løysast med terapi

For å seie det på godt norsk, det er berre bullshit

Terapeuten kan hjelpe deg med noko, ja

Men kan aldri hjelpe deg til å vert kvitt desse krava

Ein lærar kan ikkje gjere deg god i matte ved å gjere matteoppgåvene sjølv

Akkurat som at ein terapeut ikkje kan slette krava du har til deg sjølv

 

Du er faktisk god nok

Sjølv om du ikkje tenkjer det sjølv

Du er god nok i mine auge og alle andres auge

Berre ikkje dine eigne auge

 

Det fins berre ein versjon av deg

Som tyder at du er eineståande

Du er akkurat den personen du var meint til å vere

Du er god nok!