Ole-Henrik Bjørkmo Lifjell Blïjhkeristie eelki Fransisca Kappfjell-Herbst ektine barkedh gosse staate sïjhti Gaske-Nöörjen saemienskuvle tjakten 2015 gaptjedh .
–Monnese lidien iemie dam vuastaladtedh, gosse aerebi ligan learohkh dennie skuvlesne jïh deejrigan man vihkeles lea mijjen åarjelsaemiej noeride.
Gaske-Nöörjen saemieskuvlesne libie jïjnjem lïereme. Demonstrasjovni baaktoe, appellh, tjaalegh, prievie jïh gaskeviermiej baaktoe dah guaktah buektiehtigan mubpide eadtjaldehtedh jïh hijven demonstrasjovne Oslosne sjïdti. NRK P3 dam govli jïh aaj dokumenteerem TV:sne darjoeji. Dej soptsestimmiej mietie stoerredigkielïhtsegidie jïh maahtoeministere Röe Isaksen sjïdti nemhtie guktie Gaske-Nöörjen saemienskuvle åadtjoeh årrodh. Mijjieh libie garmerdihks barkoen åvteste jïh gyjhteles dej viehkie jïh dåarjoeji åvteste, Ole-Henrik jeahta. Dïhte lea daelie Oslosne gusnie vihth daanhtsomelohktimmiem alkeme.
