Saemiedigkiepresideente Vibeke Larsen sov håaloemisnie Fransisca Kappfjell-Herbst Måeffeste jïh Ole-Henrik Bjørkmo Lifjell Blïejhkeristie garmerdi.
Oversatt av Siri kappfjell Paivio
Eadtjohkevoete lij dïhte sisvege saemiedigkiepresideenten orrejaepiehåaloemisnie mij NRK 1 tsïengelen voestes biejjien vuesehte. Dennie håaloemisnie satne gellieh eadtjohkh almetjh garmerdi. Desnie dah guaktah eadtjohkh åarjelsaemieh ligan.
Åarjelsaemien gæmpoe
–Fransisca Kappfjell-Herbst jïh Ole-Henrik Lifjell tjamki barkigan dam Gaske-Nöörjen saemienskuvlen gaavhtan. Idtjigan barre jïjtjen saemienskuvlem vitnh mohte aaj dïhte vihkielommes ööhpehtimmie sijjie åarjelsaemiengïelese, Larsen jeehti jïh aaj garmerdi dah åarjelsaemien noerh gïeh Gaelpiem jïjtjen suehpedelaantem Voengel-Njaarken sïjten båatsosne vitnin.
–Dijjieh lidie tsïeglh mijjen baelesne, presideente jeehtin.
Orrejaepiehåaloemisnie aaj jeehti jis saemien siebriedahke edtja jienebe ektievuekine barkedh dennie daaroen siebriedahkine, dle vuesehte aktem jiehtegem mij aalkoealmetje Oren Lyons lea tjaaleme:
«Jïlhts libie gåabpene skovhtestakesne, datne dennie dov vïnhtsesne jïh mijjieh dennie kaanosne, dellie læjhkan tjoeverin dam seamma jeanoem juekedh».
Gamhpebe ektievuekie
Ibie maehtieh oktegh saemien siebriedahkem evtiedidh. Jienebe tjoeverieh saemien kultuvrem mijjine ektine eekedh. Saemiedigkiepresideente jeehti.
Ektievuekien tjïrrh maehtiejibie baalkam jïh goerkesem röönjedh. Mijjieh sïjhtijibie ektievuekien tjïrrh saemienkonvensjovnem, båatsoekonvensjovnem jïh konsultasjovnem staatine ektine barkedh. Gaajhkh dejtie golme dïrregh mah nænnoestieh saemien jïjtjereeremem. Desnie lea aaj röönjeme guktie maehtiejibie saemiengïelide evtiedidh ?noerhtesaemien, luvlesaemien jïh åarjelsaemien. Mohte aaj båatsoe buerebe biejjieh dåastodh, mijjen duedtie, mijjen göölijh jïh mijjen kultuvredarjomh.
Goeven 2016 Vibeke Larsen (Ap) saemiedigkiepresideente sjïdti. Ij presideente jïjtje maehtieh saemiestidh dannasinie daaroesti. Larsen lea dam åadtjome govledh jïjtse almetjistie.
